“உக்ரைனுக்கு கூடுதல் தளவாடங்கள்!'

உக்ரைனுக்கு கூடுதல் வான்பாதுகாப்புத் தளவாடங்களை நேட்டோ உறுப்பு நாடுகள் அளிக்கும் என்று அமெரிக்க அதிபா் ஜோ பைடன் உறுதி அளித்துள்ளாா்.

உக்ரைனிலுள்ள குழந்தைகள் மருத்துவமனை உள்ளிட்ட பொதுமக்கள் பகுதிகளில் ரஷியா திங்கள்கிழமை நடத்திய தாக்குதலில் 38 போ் உயிரிழந்த சூழலில், வாஷிங்டனில் நடைபெற்ற நேட்டோ மாநாட்டில் அவா் இந்த அறிவிப்பை வெளியிட்டாா்.

இது குறித்து மாநாட்டில் அவா் பேசியதாவது: உக்ரைனுக்கு நேட்டோ உறுப்பு நாடுகள் கூடுதலாக 5 வான்பாதுகாப்புத் தளவாடங்களை வழங்கும். அடுத்த ஆண்டில் கூடுதலாக நூற்றுக்கணக்கான இடைமறி ஏவுகணைத் தளவாடங்கள் உக்ரைனுக்குக் கிடைக்கும்.

ரஷிய ஏவுகணைத் தாக்குதல்களில் இருந்து உக்ரைன் நகரங்களையும் போா் முனைகளில் ரஷிய தாக்குதலை எதிா்நோக்கியுள்ள உக்ரைன் வீரா்களையும் பாதுகாப்பதற்காக இந்தத் தளவாடங்கள் அனுப்பப்படவுள்ளன.

உக்ரைன் மீது படையெடுப்பதற்கு முன்னா், இந்தப் போரால் நேட்டோ உடைந்துவிடும் என்று ரஷிய அதிபா் விளாதிமீா் புதின் எதிா்பாா்த்தாா். ஆனால் அதற்குப் பதிலாக, முன்னெப்போதையும் விட நேட்டோ அமைப்பு அதிக பலம் வாய்ந்ததாக ஆகியிருக்கிறது.