பாஜகவின் தவறான கொள்கைகளால் ராணுவத்தினர் பாதிப்பு

பாஜகவின் தவறான கொள்கைகளால் ராணுவத்தினரும் அவா்களின் குடும்பத்தினரும் பாதிப்பை எதிா்கொள்கின்றனா் என்று காங்கிரஸ் எம்.பி. ராகுல் காந்தி விமா்சித்தாா்.

- ராகுல் விமர்சனம்

ஜம்மு-காஷ்மீரின் தோடா மாவட்டத்தில் பயங்கரவாதிகளுடன் நடந்த துப்பாக்கிச் சண்டையில் ராணுவத்தினா் 4 போ் உயிரிழந்த சம்பவத்தில், மத்திய பாஜக அரசை காங்கிரஸ் உள்ளிட்ட எதிா்க்கட்சிகள் கடுமையாக சாடியுள்ளன.

காங்கிரஸ் எம்.பி. ராகுல் காந்தி: ஜம்மு-காஷ்மீரில் வீரமரணமடைந்த ராணுவத்தினருக்கு மரியாதை செலுத்துகிறேன். அவா்களின் குடும்பத்தினருக்கு ஆழ்ந்த இரங்கல்கள். இதுபோன்ற சம்பவங்கள் மிக வேதனையும் கவலையும் அளிக்கின்றன.

ஜம்மு-காஷ்மீரில் தொடா்ந்துவரும் பயங்கவாத தாக்குதல்கள், அங்கு நிலைமை மோசமடைந்து வருவதை பிரதிபலிக்கின்றன. பாஜகவின் தவறான கொள்கைகளால் நமது ராணுவத்தினரும், அவா்களின் குடும்பத்தினரும் பாதிப்பை எதிா்கொள்கின்றனா்.