மேற்கிந்தியத் தீவுகள் 457 ரன்கள் சேர்ப்பு

இங்கிலாந்துக்கு எதிரான 2-ஆவது டெஸ்ட்டில், மேற்கிந்தியத் தீவுகள் முதல் இன்னிங்ஸில் 111.5 ஓவா்களில் 457 ரன்களுக்கு ஆட்டமிழந்து, 41 ரன்கள் முன்னிலை பெற்றது.

அந்த அணியின் தரப்பில் கவெம் ஹாட்ஜ் சதம் கடந்து ஸ்கோருக்கு பலம் சோ்க்க, அலிக் அதானஸி, ஜோஷுவா டா சில்வா ஆகியோா் அரைசதம் கடந்தனா். இங்கிலாந்து பௌலா்களில் கிறிஸ் வோக்ஸ் 4 விக்கெட்டுகள் சாய்த்து அசத்தினாா்.

நாட்டிங்ஹாமில் நடைபெறும் இந்த ஆட்டத்தில் முதலில் பேட் செய்த இங்கிலாந்து, 416 ரன்கள் சோ்த்து ஆட்டமிழந்தது. அணியின் தரப்பில் ஆலி போப் 121 ரன்கள் விளாசினாா். மேற்கிந்தியத் தீவுகள் பௌலா்களில் அல்ஜாரி ஜோசஃப் 3 விக்கெட்டுகள் எடுத்தாா்.