தேர்தல் நிதிப் பத்திர திட்டம்: சிறப்புக் குழு விசாரணை இல்லை

தேர்தல் நிதிப் பத்திர திட்டம் தொடர்பாக ஓய்வு பெற்ற நீதிபதி மேற்பார்வையில் சிறப்புப் புலனாய்வுக் குழு (எஸ்) ஐடி) விசாரணைக்கு உத்தரவிடக் கோரி தாக்கல் செய்யப்பட்ட மனுக்களை உச்சநீதிமன்றம் வெள்ளிக்கிழமை தள்ளுபடி செய்தது.

தேர்தல் நிதிப் பத்திரங்கள் திட்டம் அரசமைப்புச் சட்டத்திற்கு எதிரானது என்று கடந்த பிப். 15-ஆம் தேதி தீர்ப்பளித்த உச்சநீதிமன்றம், அந்தத் திட்டத்தை ரத்து செய்தது.

இதைத் தொடர்ந்து, அந்தப் பத்திரங்களை வாங்கியது யார், அந்தப் பத்திரங்கள் மூலம் எந்தெந்த கட்சிகள் எவ்வளவு நன்கொடை பெற்றன ஆகிய விவரங்களை, தேர்தல் நிதிப் பத்திரங்களை விநியோகித்து வந்த பாரத ஸ்டேட் வங்கி (எஸ்பிஐ) தேர்தல் ஆணையத்திடம் சமர்ப்பித்தது.

உச்சநீதிமன்ற உத்தரவின்படி, அந்த விவரங்கள் தேர்தல் ஆணையத்திடம் சமர்ப்பிக்கப்பட்ட நிலையில், அந்த விவரங்கள் தேர்தல் ஆணைய வலைதளத்தில் வெளியிடப்பட்டன.

இந்தத் திட்டம் தொடர்பாக ஓய்வு பெற்ற நீதிபதி மேற்பார்வையில் சிறப்புப் புலனாய்வுக் குழு விசாரணைக்கு உத்தரவிடக் கோரி, உச்ச நீதிமன்றத்தில் 2 தன்னார்வ அமைப்புகள் மனு தாக்கல் செய்தன.