மாற்றுத்திறனாளிகளுக்கு சேவை: மாவட்ட ஆட்சியர்கள் உள்பட 9 பேருக்கு விருது

மாற்றுத்திறனாளிகள் நலனுக்கு சேவை புரிந்ததற்காக விருதுநகர், கோவை மாவட்ட ஆட்சியர்கள் உள்பட 9 பேருக்கு மாநில அரசு விருதுகள் அறிவிக்கப்பட்டுள்ளன.

அவர்களில் மாவட்ட ஆட்சியர்களைத் தவிர்த்து, மற்ற அனைவருக்கும் வரும் சுதந்திர தின விழாவின் போது விருதுகள் வழங்கப்படவுள்ளன.

இது தொடர்பாக மாற்றுத்திறனாளிகள் நலத்துறைச் செயலர் சிஜி தாமஸ் வைத்யன் வெளியிட்ட உத்தரவு: மாற்றுத்திறனாளிகள் நலனுக்காக சிறப்பாக சேவைகள் புரிந்தவர்களுக்கு ஆறு வகையான பிரிவுகளில் விருதுகள் வழங்கப்பட்டு வருகின்றன. இந்த விருதுகள் ஆண்டுதோறும் அறிவிக்கப்பட்டு, சுதந்திர தினத்தின்போது முதல்வரால் வழங்கப்படுகிறது.

மாற்றுத்திறனாளிகள் காக சிறப்பாக சேவையாற்றிய சிறந்த மாவட்ட ஆட்சியர், மருத்துவர், வேலைவாய்ப்பளித்த தனியார் நிறுவனம், அரசு சாரா தொண்டு நிறுவனம், சமூகப் பணியாளர், சிறந்த மாவட்ட மத்திய கூட்டுறவு வங்கி என ஆறு பிரிவுகளில் விருதாளர்கள் தேர்வு செய்யப்படுகின்றனர்.