மம்தா பதவி விலக வேண்டும்: நிர்பயாவின் தாய் வலியுறுத்தல்

மேற்கு வங்கத்தில் நிலைமையை சரிவர கையாளத் தவறிய முதல்வர் மம்தா பானர்ஜி தனது பதவியை ராஜினாமா செய்ய வேண்டும் என்று தில்லியில் கடந்த 2012-இல் பாலியல் கொலை செய்யப்பட்ட மருத்துவ மாணவி நிர்பயாவின் தாய் ஆஷா தேவி வலியுறுத்தியுள்ளார்.

"குற்றவாளிகளுக்கு எதிராக தனது அதிகாரத்தைப் பயன்படுத்துவதற்கு மாறாக, போராட்டத்தின் மூலம் மக்களின் கவனத்தை திசைதிருப்ப முதல்வர் மம்தா முயற்சிக்கிறார்" என்றும் அவர் குற்றஞ்சாட்டினார்.

தலைநகர் தில்லியில் 2012 ஆம் ஆண்டு டிசம்பரில் மருத்துவ மாணவி நிர்பயா, ஓடும் பேருந்தில் கூட்டு பாலியல் வன்கொடுமை செய்யப்பட்டு, கொடூரமான முறையில் கொலை செய்யப்பட்டது. நாடு முழுவதும் பெரும் அதிர்வலைகளை ஏற்படுத்திய இந்தச் சம்பவத்தில் தொடர்புடைய 4 குற்றவாளிகளுக்கு, நீண்ட சட்டப் போராட்டத்துக்குப் பிறகு, கடந்த 2020-ஆம் ஆண்டு மார்ச் 20-ஆம் தேதி தூக்கு தண்டனை நிறைவேற்றப்பட்டது.