காஸாவில் போலியோ தடுப்பு மருந்து முகாம் தொடக்கம்

இஸ்ரேல்-ஹமாஸ் இடையிலான தற்காலிக போா் நிறுத்தத்தைத் தொடா்ந்து, காஸாவில் போலியோ தடுப்பு மருந்து முகாம் ஞாயிற்றுக்கிழமை தொடங்கியது.

இஸ்ரேல்-பாலஸ்தீனத்தின் காஸா முனையில் ஆட்சிபுரிந்த ஹமாஸ் படையினா் இடையிலான போா் 10 மாதங்களுக்கும் மேலாக நீடித்து வருகிறது. இந்தப் போரில் இதுவரை 40,000-க்கும் மேலான பாலஸ்தீனா்கள் கொல்லப்பட்டுள்ளனா்.

25 ஆண்டுகளுக்குப் பிறகு போலியோ: இந்நிலையில், காஸாவில் 25 ஆண்டுகளுக்குப் பிறகு முதல்முறையாக போலி நோய் பாதிப்பு அண்மையில் கண்டறியப்பட்டது. அப்துல் ரகுமான் அபு அல்-ஜிடியான் என்ற 10 மாத குழந்தை போலியோவால் பாதிக்கப்பட்டு அக்குழந்தையின் கால் செயலிழந்த நிலையில், அங்கு அந்த நோய்க்கான அறிகுறிகளே தென்படாமல் நூற்றுக்கணக்கான குழந்தைகள் பாதிக்கப்பட்டிருக்கக் கூடும் என்று ஐ.நா.வின் உலக சுகாதார அமைப்பு தெரிவித்துள்ளது.

செப்.9 வரை...: இதையொட்டி பாலஸ்தீன சுகாதார அதிகாரிகள் மற்றும் ஐ.நா. சாா்பாக காஸாவில் போலியோ சொட்டு மருந்து முகாம் ஞாயிற்றுக்கிழமை தொடங்கியது. முதலில் மத்திய காஸா, பின்னா் தெற்கு காஸா மற்றும் வடக்கு காஸா என 3 கட்டங்களாக இந்த முகாம் நடைபெற உள்ளது. இதன் காரணமாக ஒவ்வொரு கட்டத்திலும் தொடா்ந்து 3 நாள்களுக்கு சுமாா் 8 மணி நேரம் வரை இஸ்ரேல்-ஹமாஸ் இடையிலான போரை தற்காலிகமாக நிறுத்த முடிவு செய்யப்பட்டுள்ளது. இந்த முகாம் செப். 9-ஆம் தேதி வரை நீடிக்கும் என்று இஸ்ரேல் தெரிவித்துள்ளது.

6.40 லட்சம் குழந்தைகளுக்கு தடுப்பு மருந்து: காஸா முழுவதும் சுமாா் 160 இடங்களில் போலி சொட்டு மருந்து முகாம் நடைபெற உள்ளது. சுமாா் 6.40 லட்சம் குழந்தைகளுக்கு சொட்டு மருந்து செலுத்தத் திட்டமிடப்பட்டுள்ளது. தடுப்பு மருந்தின் முதல் தவணை செலுத்தப்பட்டு 4 வாரங்களான பின்னா், இரண்டாவது தவணை செலுத்தப்பட உள்ளதாக தகவல் வெளியாகியுள்ளது.