கருத்துகளில் கவனம்: நீதிபதிகளுக்கு அறிவுறுத்தல்

'நீதிபதிகள் கவனத்துடன் தங்களின் கருத்துகளைத் தெரிவிக்க வேண்டும்' என்று உச்சநீதிமன்றம் புதன்கிழமை அறிவுறுத்தியது.

கர்நாடக உயர்நீதிமன்றத்தில் அண்மையில் நடைபெற்ற வழக்கு விசாரணையின்போது நீதிபதி வி. ஸ்ரீஷாநந்தா, விசாரணையில் ஆஜரான பெண் வழக்குரைஞருக்கு எதிராக சர்ச்சை கருத்தைத் தெரிவித்ததோடு, பெங்களூரில் முஸ்லிம்கள் அதிகம் வசிக்கும் பகுதியை 'பாகிஸ்தான்' என்றும் குறிப்பிட்டார். இதுதொடர்பான காணொலி சமூக ஊடகத்திலும் பரவி வைரலானது. தனது கருத்து பெரும் சர்ச்சையான நிலையில், அதற்காக பகிரங்க மன்னிப்பை நீதிபதி கோரினார்.