மத்திய நிதி ரூ.1.17 லட்சம் கோடி எப்படி செலவிடப்பட்டது?

மத்திய அரசு ஒதுக்கிய ரூ. 1.17 லட்சம் கோடியை மேற்கு வங்க அரசு எந்தெந்த பணிகளுக்காக, எப்படி செலவிட்டது என்பது குறித்து மாநில முதல்வர் மம்தா பானர்ஜி விளக்கமளிக்க வேண்டும் என்று அந்த மாநில ஆளுநர் சி.வி. ஆனந்த போஸ் வலியுறுத்தியுள்ளார்.

இது தொடர்பாக மம்தாவுக்கு எழுதியுள்ள கடிதத்தில் ஆளுநர் மேலும் கூறியிருப்பதாவது:

2023-24 நிதியாண்டில் மேற்கு வங்க மாநிலத்தில் பல்வேறு திட்டங்களுக்கு ரூ. 1.17 லட்சம் கோடி மத்திய அரசு ஒதுக்கியது.

இந்த நிதி எவ்வாறு செலவிடப்பட்டது என்பது குறித்து தகவல் வெளிப்படையாகத் தெரிவிக்கப்பட வேண்டும்.