தாக்கப்பட்ட கல்லூரி மாணவர் உயிரிழப்பு: 5 பேர் மீது கொலை வழக்குப் பதிவு

சென்னை சென்ட்ரலில் பச்சையப்பன் கல்லூரி மாணவர்களால் தாக்கப்பட்டு அரசு மருத்துவமனையில் சிகிச்சை பெற்று வந்த மாநிலக் கல்லூரி மாணவர் புதன் கிழமை உயிரிழந்தார்.

இதையடுத்து அவரைத்தாக்கிய தாக கைது செய்யப்பட்ட 5 மாணவர்கள் மீது கொலை வழக்குப் பதிவு செய்யப்பட்டதாக போலீசார் தெரிவித்தனர்.

திருவள்ளூர் மாவட்டம், திருத்தணி அருகே உள்ள பொன்பாடி பகுதியைச் சேர்ந்தவர் ஆ.சுந்தர் (19). இவர் சென்னை மாநிலக் கல்லூரியில் பி.ஏ. அரசியல் முதலாம் ஆண்டு படித்து வந்தார்.

கடந்த 4-ஆம் தேதி கல்லூரி முடிந்த பின்னர் வீட்டுக்கு செல்லுவதற்காக சென்ட்ரல் ரயில் நிலையம் அருகே சுந்தர் நடந்து சென்ற போது, அங்கு வந்த கீழ்ப்பாக்கம் பச்சையப்பன் கல்லூரி மாணவர்கள் அவரை தாக்கிவிட்டு தப்பியோடினர்.

இதில், பலத்த காயமடைந்த சுந்தர், ராஜீவ் காந்தி அரசு பொது மருத்துவமனையில் காப்பாற்றப்பட்டார்.