தண்டவாளத்தில் கேஸ் சிலிண்டரை வைத்து ரயிலைக் கவிழ்க்க சதி

உத்தரகண்ட் மாநிலத்தில் தண்டவாளத்தில் கேஸ் சிலிண்டரை வைத்து ரயிலைக் கவிழ்க்க நடந்த சதி முறியடிக்கப்பட்டது.

உத்தரகண்ட் மாநிலம், ரூர்கி-லக்ஷூர் இடையே உள்ள தாந்தேரே ரயில் நிலையம் அருகே தண்டவாளத்தில் சனிக்கிழமை எரிவாயு சிலிண்டர் ஒன்று கிடந்தது. அந்த தண்டவாளத்தை அடுத்து இருந்த மற்றொரு தண்டவாளம் வழியாக சரக்கு ரயில் ஒன்று கடந்து சென்றது. அதன் கடைசிப் பெட்டியில் இருந்த ரயில்வே ‘காா்டு’ எரிவாயு சிலிண்டர் தண்டவாளத்தில் இருப்பதைக் கண்டு ரயில் நிலைய அதிகாரிக்கு தகவல் தெரிவித்தார்.