பாலியல் வன்கொடுமை செய்து சிறுமி கொலை: தொழிலாளி கைது

சிவகங்கை அருகே சிறுமியை பாலியல் வன்கொடுமை செய்து கொன்றதாக கூலித் தொழிலாளியை போலீஸார் சனிக்கிழமை கைது செய்தனர்.

சிவகங்கை மாவட்டம், கல்குளம் பகுதியைச் சேர்ந்தவர் பால்சாமி (72). இவர் தனது தோட்டத்துக்குத் தண்ணீர் பாய்ச்சுவதற்காக கடந்த வியாழக்கிழமை சென்றார். அங்கு கிணற்றில் அடையாளம் தெரியாத 13 வயது சிறுமியின் உடல் மிதந்தது தெரியவந்தது.

இதுகுறித்து தகவலறிந்து வந்த சிவகங்கை தாலுகா போலீஸார், தீயணைப்பு வீரர்களின் உதவியுடன் சிறுமியின் உடலை மீட்டு, அரசு மருத்துவக் கல்லூரி மருத்துவமனைக்கு அனுப்பிவைத்தனர்.