தண்டனைக் கைதி சித்திரவதை வழக்கு; மேலும் 11 பேர் பணியிடை நீக்கம்

வேலூர் சிறையில் தண்டனைக் கைதி சித்திரவதை செய்யப்பட்ட வழக்கில் மேலும் 11 பேரை பணியிடை நீக்கம் செய்து சிறைத்துறை கூடுதல் டிஜிபி மகேஷ்வர் தயாள் உத்தரவிட்டார்.

கிருஷ்ணகிரி மாவட்டம், மாணிக் கம் கோட்டை பகுதியைச் சேர்ந்தவர் சிவகுமார் (30). ஆயுள் தண்டனைக் கைதியான இவர், வேலூர் மத்திய சிறையில் தண்டனை அனுபவித்து வந்தார். சிறைத்துறை வேலூர் சரக டிஐஜி ராஜலட்சுமி விதிமுறைகளை மீறி சிவகுமாரை தனது வீட்டு வேலைக்குப் பயன்படுத்தியதாகவும், ராஜலட்சுமி வீட்டில் ரூ.4.25 லட்சம் திருடியதாக சிவகுமாரை 95 நாள்கள் அடைத்து வைத்து சித்திரவதை செய்ததாகவும் புகார் கூறப்பட்டது.