அஸ்தினாபுரத்தில் மின்வாரியத்துக்கு சொந்தமான அரை ஏக்கர் நிலம் மீட்பு

குரோம்பேட்டை அஸ்தினாபுரத்தில் ஆக்கிரமிப்பில் இருந்த தமிழ்நாடு மின்வாரியத்துக்குச் சொந்தமான ரூ. 20 கோடி மதிப்புள்ள 52 சென்ட் நிலம் வருவாய்துறை மற்றும் காவல்துறை உதவியுடன் வியாழக்கிழமை மீட்கப்பட்டது.

குரோம்பேட்டை அஸ்தினாபுரம் மற்றும் அதைச் சுற்றியுள்ள வினோபாஜி நகர், மகேஸ்வரி நகர், திருமலை நகர், வெங்கட்ராமன் நகர், கிருஷ்ணா நகர் உள்ளிட்ட பகுதிகளில் குறைந்த மின்னழுத்தப் பிரச்னை இருப்பதால் அந்தப் பகுதியில் இருந்த புறம்போக்கு இடத்தில் துணை மின்நிலையம் அமைத்துத் தரவேண்டும் என்று கோரிக்கை வைக்கப்பட்டது.