மினாரை வீழ்த்தி மீண்டார் மெத்வதெவ்

ஏடிபி ஃபைனல்ஸ் ஆடவர் டென்னிஸ் போட்டியில் ரஷியாவின் டேனியல் மெத்வதெவ் முதல் வெற்றியை செவ்வாய்க்கிழமை பதிவு செய்தார்.

உலகின் 4-ஆம் நிலையில் இருக்கும் அவர், குரூப் சுற்றின் 2-ஆவது ஆட்டத்தில் 6-2, 6-4 என்ற நேர் செட்களில், 7-ஆம் இடத்திலிருக்கும் ஆஸ்திரேலியாவின் அலெக்ஸ் டி மினாரை வீழ்த்தினார்.

முதல் ஆட்டத்தில் அமெரிக்காவின் டெய்லர் ஃப்ரிட்ஸிடம் தோற்ற முன்னாள் சாம்பியனான மெத்வதெவ், இந்த வெற்றியின் மூலம், அரையிறுதிக்கான வாய்ப்பில் தன்னை தக்கவைத்துக் கொண்டார். மெத்வதெவ் - மினார் சந்திப்பு இது 10-ஆவது முறையாக இருக்க, மெத்வதெவ் 7-ஆவது வெற்றியைப் பதிவு செய்திருக்கிறார்.