இலங்கை அதிபர் கட்சி கூட்டணி அமோக வெற்றி

இலங்கை நாடாளுமன்றத் தேர்தலில் அதிபர் அநுரகுமார திசாநாயக தலைமையிலான தேசிய மக்கள் சக்தி கூட்டணி 159 இடங்களில் (மூன்றில் 2 பங்கு பெரும்பான்மை) அமோக வெற்றி பெற்றது.

அதிகபட்சமாக தேசிய மக்கள் சக்தி கூட்டணிக்கு 68.63 லட்சம் வாக்குகளும், அதற்கு அடுத்தபடியாக சமகி ஜன பலவேகய கூட்டணிக்கு 19.68 லட்சம் வாக்குகளும் கிடைத்தன.

இலங்கையில் ஜனதா விமுக்தி பெரமுன (ஜேவிபி) என்பது மார்க்சிஸ்ட்-லெனினிஸ்ட் கம்யூனிஸ்ட் கட்சியாகும். அந்தக் கட்சியின் தலைவரான அநுரகுமார தலைமையில், ஜேவிபி உள்பட பல கட்சிகள் அடங்கிய தேசிய மக்கள் சக்தி கூட்டணி உருவாக்கப்பட்டது.

இந்நிலையில், கடந்த செப்டம்பரில் இலங்கை அதிபர் தேர்தல் நடைபெற்றது. இதில் தேசிய மக்கள் சக்தி கூட்டணி வேட்பாளர் அநுரகுமார திசாநாயக வெற்றிபெற்று அந்நாட்டின் புதிய அதிபராக பதவியேற்றார்.

இதைத் தொடர்ந்து, அந்நாட்டு நாடாளுமன்றத்தைக் கலைத்து அநுரகுமார உத்தரவிட்டார். கடந்த 2020-ஆம் ஆண்டு ஆகஸ்ட் மாதம் இலங்கை நாடாளுமன்றத் தேர்தல் நடைபெற்ற நிலையில், நாடாளுமன்றத்தின் பதவிக் காலம் நிறைவடைய மேலும் 11 மாதங்கள் இருந்தபோது அதைக் கலைத்து அநுரகுமார நாடாளுமன்றத் தேர்தலில் 159 இடங்களைக் கைப்பற்றியது