ஐ.நா. மொழியாக தமிழை கொண்டு வருவதே இலக்கு!

உலகத் தமிழர் பொருளாதார மாநாட்டில் வலியுறுத்தல்

கோலாலம்பூர் (மலேசியா), நவ. 15: ஐக்கிய நாடுகள் சபையில் தமிழை அலுவல் மொழியாகக் கொண்டு வருவதே தங்களுடைய இலக்கு என்று உலகத் தமிழர் பொருளாதார மாநாட்டில் வலியுறுத்தப்பட்டது.

மலேசியத் தலைநகர் கோலாலம்பூரில் இந்த மாநாட்டை இந்தியத் தூதர் டாக்டர் பி.என். ரெட்டி தலைமை வகித்து வெள்ளிக்கிழமை தொடங்கி வைத்தார். மாநாட்டு வரவேற்புக்குழுத் தலைவர் டத்தோ ப. சகாதேவன் பேசுகையில், 'ஒரு சமுதாயம் வணிகரீதியாகவும் பொருளாதார ரீதியாகவும் வளர்ந்தால் மட்டுமே அது பல தளங்களில் மேன்மை பெறும். அதற்கான வாய்ப்புகளை வழங்கும் தளமாகக் கோலாலம்பூரில் தொடங்கியுள்ள 11-ஆவது உலகத் தமிழர் பொருளாதார மாநாடு அமையும்' என்றார்.