கோரிக்கைகளை நிறைவேற்றக் கோரி அரசு மருத்துவர்கள் இன்றுமுதல் போராட்டம்

மருத்துவர்களை தரக்குறைவாக நடத்தும் உயரதிகாரிகள் மீது நடவடிக்கை எடுக்க வலியுறுத்தி பல்வேறு போராட்டங்களை அரசு மருத்துவர்கள் அறிவித்துள்ளனர்.

தமிழ்நாடு அரசு டாக்டர்கள் சங்கத்தின் அவசர மாநில செயற்குழு கூட்டம் ஞாயிற்றுக்கிழமை நடைபெற்றது. அதில் சில முக்கிய முடிவுகள் எடுக்கப்பட்டன.

இது தொடர்பாக, சங்கத்தின் தலைவர் டாக்டர் செந்தில் வெளியிட்ட செய்தி: கடந்த சில மாதங்களாக திருச்சி, விருதுநகர், தஞ்சாவூர், திருவாரூர், மயிலாடுதுறை, தர்மபுரி, மற்றும் திருப்பத்தூர் மாவட்ட ஆட்சியர்கள், அரசு மருத்துவர்களை குற்றவாளிகளைப் போல நடத்தி வருகிறார்கள். குறிப்பாக மகப்பேறு மருத்துவர்களை, பேறுகால மரணங்கள் ஆய்வு என்ற பெயரில் மிரட்டியும், தரக்குறைவாகப் பேசியும், துன்புறுத்தியும் வருகின்றனர்.