திருவள்ளூர் மாவட்டத்தில் 116 ஏரிகள் நிரம்பின

திருவள்ளூர் மாவட்டத்தில் பெய்த கனமழையால் பொதுப்பணித் துறை ஏரிகள்-39, ஊரக வளர்ச்சி முகமை பராமரிப்பில் உள்ள-77 என மொத்தம் 116 ஏரிகள் நிரம்பின.

புயலால் கடந்த 2 நாள்களாக தொடர்ந்து கனமழை பெய்து வருகிறது. இந்த மழையால் ஏரிக்கான கால்வாய்களில் நீர் வரத்து ஏற்பட்டு ஏரிகள் நிரம்பி வருகின்றன.

மாவட்டத்தில் பொதுப்பணித் துறை (நீர்வளத் துறை) கட்டுப்பாட்டில் பெரிய ஏரிகள் மொத்தம் 336 உள்ளன. அதேபோல் மாவட்ட ஊரக வளர்ச்சி முகமை மூலம் 14 ஊராட்சி ஒன்றியங்கள் கட்டுப்பாட்டில் 581 ஏரிகளும், 3296 சிறு குளங்கள், குட்டைகள் உள்ளன.