சைதாப்பேட்டை ரயில் நிலைய மறுமேம்பாட்டு நிலவரம் என்ன?

சைதாப்பேட்டை ரயில் நிலைய மறுமேம்பாட்டுத் திட்டத்தின் நிலவரம் குறித்து மக்களவையில் தென் சென்னை தொகுதி திமுக உறுப்பினர் தமிழச்சி தங்கபாண்டியன் கேள்வி எழுப்பினார்.

இது தொடர்பாக மக்களவையில் புதன்கிழமை கேள்வி நேரத்தின்போது, 'அம்ரித் பாரத் திட்டத்தின் கீழ் மறுமேம்பாட்டுக்காக தமிழகத்தில் 77 ரயில் நிலையங்கள் உள்பட 1,324 நிலையங்கள் அடையாளம் காணப்பட்டுள்ளதாக ரயில்வே அமைச்சகம் அறிவித்துள்ளது. எனது தொகுதியில் உள்ள சைதாப்பேட்டை ரயில் நிலையத்தையும், சென்னை எழும்பூர் ரயில் நிலையத்தையும் இத்திட்டத்தில் மேம்படுத்த கோரிக்கை அளித்திருந்தேன். அதன் நிலவரத்தை அறிய விரும்புகிறேன்' என்று அவர் குறிப்பிட்டார்.