மக்களின் பாதுகாப்பைவிட திரைப்பட விளம்பரம் முக்கியமல்ல

பொதுமக்களின் பாதுகாப்பை விட திரைப்பட விளம்பரம் முக்கியமல்ல என்பதை திரையுலகப் பிரபலங்கள் புரிந்துகொண்டு, அதன்படி நடந்து கொள்ள வேண்டும் என்று தெலங்கானா மாநில காவல்துறை தலைமை இயக்குநர் ஜிதேந்தர் ஞாயிற்றுக்கிழமை தெரிவித்தார்.

கரீம்நகர் மாவட்டத்தில் செய்தியாளர்களைச் சந்தித்த அவர் கூறியதாவது: "திரையுலகப் பிரபலங்கள் படங்களில் கதாநாயகர்களாக இருக்கலாம். ஆனால், களத்தில் சமூக பிரச்சனைகளை அவர்கள் புரிந்துகொள்ள வேண்டும்.
பொதுமக்களின் பாதுகாப்பை விட படத்தை விளம்பரப்படுத்துவது அவ்வளவு முக்கியமல்ல.
பெரும் தவறு நடைபெற்றுள்ளது. இதுபோன்ற சம்பவங்கள் பொதுமக்களின் பாதுகாப்புக்கு நல்லதல்ல என்பதை நாம் அனைவரும் புரிந்துகொள்ள வேண்டும்".

காவல்துறை எந்தவொரு தனிநபருக்கும் எதிரானது அல்ல. அதே நேரத்தில், பொதுமக்களின் பாதுகாப்புக்கு அனைவரும் பொறுப்பேற்க வேண்டும் என வலியுறுத்துகிறோம்' என்றார்.