ఆంధ్రాకు తెలంగాణ చుట్టాలు

సంక్రాంతికి తరలివెళ్లిన లీడర్లు ఎమ్మెల్యేల నుంచి సర్పంచ్ల వరకు అక్కడే.. కోడి పందేల్లో.. పాలిటిక్స్ చర్చల్లో బిజీ

మరో మూడు రోజులు మస్తు ఎంజాయ్

గల్లీ నుంచి స్టేట్ లీడర్లంతా పండుగ టూర్

సంక్రాంతికి తరలివెళ్లిన లీడర్లు

ఎమ్మెల్యేల నుంచి సర్పంచ్ల వరకు అక్కడే..

కోడి పందేల్లో.. పాలిటిక్స్ చర్చల్లో బిజీ

దిశ, తెలంగాణ బ్యూరో: గల్లీ నుంచి స్టేట్ లీడర్ల దాకా అంతా రెండు రోజులుగా కనిపించడం లేదు. ఎక్కడికెళ్లారని ఆరా తీస్తే.. సంక్రాంతి పండుగకు ఆంధ్రకు తరలివెళ్లారు. దోస్తులు, బంధువుల ఇండ్లలో మకాం వేసి ఫుల్ జోష్ చేస్తున్నారు. నాటు కోడి చికెన్.. కబాబ్స్...మందు బాటిల్ తో మస్తు మజాలో ఉన్నారు.ఎవరికి ఫోన్ చేసినా ఆంధ్రాలో ఉన్నం. నిన్ననే వచ్చినం. దోస్తులమంతా కలిసొచ్చినం. డోంట్ డిస్టర్బ్ అంటూ పెట్టేస్తున్నారు. కొందరైతే : డ్లు కిరాయికి తీసుకొని కోళ్ల పందేలు ఆడడం, చూడడంలోనూ బిజీగా గడుపుతున్నారు.ఉభయ గోదావరి జిల్లాల్లో ఏ ఊరిలో చూసినా తెలంగాణ లీడర్లు, వారి అనుచరులే కనిపిస్తు న్నారు. ప్రతి ఊరిలోనూ మకాం వేశారు.తెలంగాణ అతిథులతోనే కోళ్ల పందేలకు మరింత శోభ సంతరించుకుందంటున్నారు.