గడువు దాటినా.. ఇన్ కంప్లీట్

• సా..గుతున్న రైతు రుణమాఫీ • సెప్టెంబర్ సెకండ్ వీక్ డెడ్లైన్

• సా..గుతున్న రైతు రుణమాఫీ

• సెప్టెంబర్ సెకండ్ వీక్ డెడ్లైన్

• రిలీజ్ అయింది రూ.11,500 కోట్లు 

• ఇంకా రూ.7,500 కోట్లు పెండింగ్

• డబ్బుల కోసం సర్కారు తిప్పలు

ఇప్పటికే అందించిన రుణమాఫీ పోను మరో రూ.19 వేల కోట్లు రైతులకు అందించాల్సి ఉన్నది. ఆగస్టు 3 నుంచి దీన్ని పునః ప్రారంభిస్తున్నాం..రైతుబంధు తరహాలో విడుతలవారీగా కొనసాగిస్తూ నెలా 15 రోజుల్లో.. సెప్టెంబర్ రెండో వారం వరకు సంపూర్ణంగా పూర్తి చేస్తాం.

- సీఎం కేసీఆర్, ఆగస్టు 2 ఉన్నత స్థాయి సమీక్షా సమావేశంలో

దిశ, తెలంగాణ బ్యూరో : రెండో టర్ములో రెండు ఇన్స్టాల్ మెంట్లలో రూ.36 వేల వరకు రుణం ఉన్న 5.42 లక్షల మంది రైతులకు పంట రుణాలు మాఫీ చేసిన ప్రభుత్వం ఆ ప్రక్రియను రెండేండ్లుగా పెండింగ్లో పెట్టింది. దశాబ్ది ఉత్సవాల సందర్భంగా దీన్ని పునః ప్రారంభించి సెప్టెంబర్ రెండో వారంకల్లా పూర్తి చేస్తామని సీఎం కేసీఆర్ హామీనిచ్చారు. కానీ అను కున్నట్లుగా అది పూర్తికాలేదు. గడువు తీరినా ఇంకా సుమారు రూ.ఏడున్నర వేల కోట్లు రిలీజ్ కావాల్సి ఉన్నది. డబ్బుల్లేక ఈ స్కీమ్ నత్త నడకన సాగుతున్నది.