ശ്വാസം മുട്ടി ഇന്ത്യ: മെൽബണിൽ കങ്കാരുപ്പടയ്ക്ക് വിജയം

രണ്ട് ഇന്നിങ്സിലുമായി 90 റൺസും ആറു വിക്കറ്റും സ്വന്തമാക്കി മികച്ച ഓൾറൗണ്ട് പ്രകടനം കാഴ്ചവച്ച ഓസീസ് ക്യാപ്റ്റൻ പാറ്റ് കമിൻസാണ് കളിയിലെ കേമൻ

മെൽബൺ: മെൽബണിൽ നടന്ന ആവേശപ്പോരാട്ടത്തിൽ ഓസ്ട്രേലിയയ്ക്ക് തകർപ്പൻ ജയം. അവസാന ദിനത്തിലെ സെഷൻ വരെ അവസാന നീണ്ട കടുത്ത പോരാട്ടത്തിൽ, 184 റൺസിനാണ് ഓസ്‌ട്രേലിയ ഇന്ത്യയെ വീഴ്ത്തിയത്. 340 റൺസിന്റെ സാമാന്യം വലിയ വിജയലക്ഷ്യവുമായി ബാറ്റിങ്ങിന് ഇറങ്ങിയ ഇന്ത്യ, 79.1 ഓവറിൽ 155 റൺസിന് എല്ലാവരും പുറത്തായി. അവസാന സെഷനിൽ വെറും 34 റൺസിനിടെയാണ് ഇന്ത്യയുടെ ഏഴുവിക്കറ്റുകൾ നഷ്ടമായത്. രണ്ട് ഇന്നിങ്സിലുമായി 90 റൺസും ആറു വിക്കറ്റും സ്വന്തമാക്കി മികച്ച ഓൾറൗണ്ട് പ്രകടനം കാഴ്ചവച്ച ഓസീസ് ക്യാപ്റ്റൻ പാറ്റ് കമിൻസാണ് കളിയിലെ കേമൻ.