ആകാശത്ത് കെട്ടിപ്പിടിച്ചും മുത്തം കൊടുത്തും അവർ

സുനിതയും വിൽമോറും ബുധനാഴ്ച മടങ്ങും

- 

കാലിഫോർണിയ: ലോകം ആകാംക്ഷയോടെയും ആശങ്കയോടെയും കാത്തിരുന്ന സമയത്തിന് വിരാമമാകുന്നു. ഭൂമിയിൽ നിന്ന് ഏകദേശം 400 കിലോമീറ്റർ അകലെ അന്താരാഷ്ട്ര ബഹിരാകാശ നിലയത്തിൽ ഇനി ഗവേഷണത്തിന്റെ പുത്തൻ അധ്യായം തുറക്കുകയാണ്. സ്പേസ് എക്സിന്റെ ഡ്രാഗൺ പേടകത്തിൽ നാസ അയച്ച കൂ-10 ദൗത്യ സംഘം അന്താരാഷ്ട്ര ബഹിരാകാശ നിലയത്തിൽ പ്രവേശിച്ചു. ഐഎസ്എസിലെ നെടുംതൂണായ ഇന്ത്യൻ വംശജ സുനിത വില്യംസ് നിലയത്തിലെ അടുത്ത ബാച്ച് സഞ്ചാരികളെ സ്വാഗതം ചെയ്യുന്നതിന് നേതൃത്വം നൽകി. ഇതിന്റെ ദൃശ്യങ്ങൾ അന്താരാഷ്ട്ര ബഹിരാകാശ നിലയം എക്സിൽ പങ്കുവച്ചു.