સુરેન્દ્રનગરમાં કોલસાની ખાણમાં ગેસ ગળતર, બેના મોત

ચોરવિરા ગામે ખનિજ માફિયાઓ બેફામ બન્યા ! હપ્તાના જોરે ચાલતી ગેરકાયદે ખાણ બંધ કરાવવામાં તંત્રની પાછીપાની ખનીજ માફિયાઓ દ્વારા કેસને દબાવી દેવાનો પ્રયાસ કરાયાનો આક્ષેપ । સમગ્ર કેસમાં ગાંધીનગરથી તપાસ થાય તેવી મૃતકોના પરિવારજનોની માગ

સુરેન્દ્રનગરમાં પુરાયેલી ખાણો ફરી ધમધમતા ગેસ ગળતરની ઘટનાઓ સામે આવી છે. જેમાં સાયલાના ચોરવિરા ગામે ચોંકાવનારી ઘટના બનવા પામી છે. ગેરકાયદેસર ચાલતી કોલસાની ખાણમાં ગેસ ગળતર થવાના કારણે બે યુવાનોના મોત થયા છે. મુળીના ધોળીયાના બંને પિતરાઈ ભાઈઓના મોતથી પરિવારમાં શોકની લાગણી છવાઈ છે. બે દિવસ પહેલા જ આસુન્નીમાં એક મહિલા મજૂરનું મોત થયું હતું, ગંભીર ઘટનામાં તંત્ર દ્વારા સમગ્ર મામલાને દબાવવાનો પ્રયાસ થઈ રહ્યો હોય તેવું જણાઈ રહ્યું છે.સુરેન્દ્રનગર જીલ્લા માં છેલ્લા ઘણા સમયથી ખાણમાફિયાઓ દ્વારા ખનીજ ચોરી કરવાના મામલા સામે આવી રહ્યા છે. ગેરકાયદેસર ખનન પ્રવૃતિ, રેત ચોરીના બનાવો દિનપ્રતિદિન જોવા મળી રહ્યા છે.