ભાજપનું મોડવી મંડળ ગુજરાતના સંગઠન સહિત સરકારમાં ફેરફાર કરે તેવી શક્યતા

ઉચ્ચકક્ષાએથી પગલા ભરાશે તો કહીં ખુશી કહીં ગમ જેવી સ્થિતિ સર્જાશે દિલ્હી ભાજપ હાઈકમાન્ડ સમક્ષ તાજેતરમાં નિવૃત્ત અધિકારીઓના સંદર્ભમાં ચર્ચા અને ફરિયાદ પણ થઈ હતી

મુખ્યમંત્રીના કાર્યાલયમાં, સચિવાલય સહિત ગુજરાતના અનેક વિવિધ ડિપાર્ટમેન્ટોમાં પૂર્વ આઈએએસ અધિકારીઓનો વર્ષોથી દબદબો રહ્યો છે. નિવૃત્ત થયાના બીજા જ દિવસે આવા અનેક અધિકારીઓને કી પોસ્ટ પર મુકી દેવામાં આવે છે. જેથી એવુ લાગે કે જાણે તેમના જેવા હોંશિયાર અધિકારીઓ છે જ નહી. તેઓ નિવૃત્ત થઈ ગયા હોઈ, વહીવટ કરવામાં પણ પાછી પાની કરતા નથી. અનેક ડિપાર્ટમેન્ટોમાં આવા અનેક અધિકારીઓ વર્ષોથી અડ્ડો જમાવીને બેસી ગયા છે. દિલ્હી ભાજપ હાઈકમાન્ડ સમક્ષ તાજેતરમાં નિવૃત્ત અધિકારીઓના સંદર્ભમાં ચર્ચા અને ફરિયાદ પણ થઈ હતી.