அரசு ஊழியர்களுக்கு அகவிலைப்படி உயர்வு

முதல்வருக்கு ஆசிரியர் முன்னேற்ற சங்கம் நன்றி

தமிழ்நாடு ஆசிரியர் முன்னேற்ற சங்கத்தின் மாநில தலைவர் கு.தியாகராஜன் வெளியிட்டுள்ள செய்திக் குறிப்பு, நாட்டின் 76வது சுதந்திர தினத்தை முன்னிட்டு சென்னை கோட்டை கொத்தளத்தில் தேசிய கொடியை ஏற்றி வைத்த பின் தனது எழுச்சி உரையில் தனது ஆட்சியின் அச்சாணியாக விளங்கும் அரசு ஊழியர் ஆசிரியர்களுக்கு ஒன்றிய அரசுக்கு இணையான மூன்று சதவீத அகவிலைப்படி உயர்வு ஜூலை 1ம் தேதி முதல் வழங்கப்படும் என்ற அறிவிப்பை வெளியிட்டு 16 லட்சம் அரசு ஊழியர் ஆசிரியர்களின் எதிர்பார்ப்பை நிறைவேற்றி உள்ளார்.

கொரோனா காலங்களில் நிலவிய பெரும் நிதி நெருக்கடி சூழலிலும் கடந்த ஆட்சியில் நிறுத்தி வைக்கப்பட்டிருந்த அகவிலைப்படி உயர்வை 11% சதவீதம் வழங்குவார் என்று எதிர்பார்ப்பு இருந்த நிலையில் 14% சதவீதமாக உயர்த்தி வழங்கியவர் தமிழக முதல்வர்.