புதுவையில் மக்களைப் பற்றி கவலைப்படாத ஊழல் ஆட்சி நடக்கிறது முன்னாள் முதலமைச்சர் நாராயணசாமி குற்றச்சாட்டு

புதுவையில் மக்களைப் பற்றி கவலைப்படாத ஊழல் ஆட்சி நடக்கிறது.

வரும் பாராளுமன்ற தேர்தலில் இதற்கு முற்றுப்புள்ளி வைக்கப்படும் என முன்னாள் முதலமைச்சர் நாராயணசாமி கூறினார்.

புதுவை முன்னாள் முதலமைச் சர் நாராயணசாமி நேற்று நிருபர்களிடம் கூறியதாவது, புதுவையில் ப்ரீபெய்ட் மின் மீட்டர் பொருத்தும் பணியை அரசு வேகமாக செய்து வருகிறது. மாநில அரசு ரூ.350 கோடி செலவு செய்து மீட்டர் பொருத்துவதால் மக்கள் பணத்தை செலுத்தியே மின்சாரம் பெற வேண்டிய கட்டாயம் ஏற்படும். இதில் 30 சதவீதம் கமிஷன் பெறப்படுகிறது என தகவல் வெளியாகியுள்ளது. இந்தத் திட்டத்தால் இலவசம் மின்சாரம் வழங்குவதும் நிறுத்தப்படும். இதனை புதுவை மாநில தொழிற்சாலைகளில் நடைமுறைப்படுத்தப் போகிறார்களா? எந்த மாநிலத்திலும் இத்திட்டம் செயல்படுத்தப்படாத நிலையில் புதுவையில் இத்திட்டத்தை மத்திய அரசு செயல்படுத்த வேகம் காட்டுகிறது. இந்தத் திட்டத்தை எதிர்த்து புதுவை மக்கள் தொடர்ந்து போராட்டம் நடத்தி வருகின்றனர்.