தாட்கோ மூலம் கடனுதவி வழங்கி குடும்பத்தின் பொருளாதாரத்தை உயர்த்திய முதல்வர்

மதுரை மாவட்ட பயனாளிகள் நெஞ்சார்ந்த நன்றி

தமிழ்நாடு முதலமைச்சர் பொருளாதாரத்தில் பின்தங்கிய சூழ்நிலையில் உள்ள மக்களின் வாழ்க்கைத்தரத்தை மேம்படுத்து வதற்காக பல்வேறு திட்டங்களை செயல்படுத்தி வருகிறார்கள். அந்த வகையில், ஆதிதிராவிடர் மற்றும் பழங்குடியினரின் நலனை உறுதி செய்திடும் வகையில் தாட்கோ மூலம் பல்வேறு திட்டங்களை செயல்படுத் தப்பட்டு வருகின்றனர். ஆதிதிராவிடர் மற்றும் பழங்குடியின மக்களை வறுமைக்கோட்டிற்கு மேல் கொண்டு வர வேண்டும் என்ற நோக்கத்துடன் தமிழ்நாடு ஆதிதிராவிடர் வீட்டுவசதி மற்றும் மேம்பாட்டுக்கழகம் தொடங்கப்பட்டது. துவக்கத்தில், வீடற்ற ஆதிதிராவிடர்களுக்கு இலவச தீப்பிடிக்காத வீடுகளை இக்கழகத்தின் கட்டுமானப் பிரிவுகட்டிக் கொடுத்தது. பின்னர், தொழில் முனைவு மற்றும் திறன் மேம்பாட்டிற்கான பல்வேறு திட்டங்களுக்கான மூலம் நிதியுதவியை மேம்படுத்துவதன் ஆதிதிராவிடர் மற்றும் பழங்குடியின மக்களின் பொருளாதார வளத்தினை மேம்படுத்துவதற்கான பல்வேறு நடவடிக்கைகளை மேற்கொள்ளும் வகையில் இக்கழகத்தின் செயல்பாடுகள் விரிவடைந்துள்ளன.

பொருளாதார மேம்பாட்டுத் திட்டங்களைச் செயல்படுத்துதல், திறன் மேம்பாட்டுப் பயிற்சி வழங்குதல், கட்டுமானப் பணிகளை மேற்கொள்ளுதல் ஆகியவை தாட்கோவின் முக்கிய நடவடிக்கைகள் ஆகும். பொருளாதாரத்தில் பின்தங்கிய நிலையில் இருக்கும் ஆதிதிரா விடர் மற்றும் பழங்குடியின மக்களின் வறுமையை குறைப்பதில் தாட்கோ ஒரு உந்து சக்தியாக செயல்படுகிறது. அரசு மானியம் மற்றும் வங்கிகள், தேசிய ஆதி திராவிடர் பொருளாதார மேம்பாட்டுக் கழகம் மற்றும் தேசிய மேம்பாட்டு பழங்குடியினர் பொருளாதார கழகம் நிதி நிறுவனங்களிடமிருந்து பெறப்படும் கடனுதவியுடன் பல்வேறு தேவை அடிப்படையிலான பொருளாதார மேம்பாட்டுத்திட்டங்கள் இக்கழகத்தால் வகுக்கப்பட்டு மாவட்ட மேலாளர்கள் மூலம் செயல்படுத்தப்படுகின்றன.