புதுச்சேரியில் ரேஷன் கடைகள் திறப்பதற்கு நான் எதிராக இருப்பதாக சிலர் கூறுவது தவறானது-கவர்னர் தமிழிசை சவுந்தரராஜன் பேச்சு

புதுச்சேரியில்  ரேஷன் கடைகள் திறப்பதற்கு கவர்னர்  ஆகிய நான் எதிராக இருப்பதாக  சிலர் கூறி வருவது தவறானது.

என புதுச்சேரி கவர்னர் தமிழிசை சவுந்தரராஜன் காரைக்காலில் தெரிவித்தார்.

மத்திய கல்வி அமைச்சகத்தால் நடத்தப்பட்டு வரும், காரைக்கால் என்ஐடியில், புதிதாக கட்டப்பட்டுள்ள அறிவியல் தொழில்நுட்ப கண்டுபிடிப்பு மையம், இயந்திர பொறியியல் ஆராய்ச்சி பயன்பாடு மற்றும் புதுப்பிக்கப்பட்ட சிக்மா கலந்தாய்வு அரங்கம் இவை மூன்றையும், புதுச்சேரி கவர்னர் தமிழிசை சௌந்தரராஜன் நேற்று திறந்து வைத்து உரையாற்றினார். நிகழ்ச்சியில், காரைக்கால் மாவட்ட கலெக்டர் குலோத்துங்கன், மாவட்ட சீனியர் போலீஸ் சூப்பிரண்டு மணீஷ், என்ஐடி இயக்குனர் உஷா நடேசன், பதிவாளர் சுந்தரவரதன் உள்ளிட்ட பலர் கலந்துகொண்டனர்.

புதிதாக திறக்கப்பட்ட அறிவியல் கண்டுபிடிப்பு தொழில்நுட்ப மையமானது 1033 சதுரடியில் சுமார் 72.30 லட்சம் செலவில் நிறுவப்பட்டுள்ளது. ஷிஜிமி தீ மையம்" என்பது "தொழில்நுட்ப உதவியுடன் மீன் வளர்ப்பு, மீன் பதப்படுத்துதல் மற்றும் மதிப்பு கூட்டல் ஆகியவற்றின் மூலம் புதுச்சேரி யூனியன் பிரதேசத்தின், எஸ்சி சமூகத்தின் சமூக பொருளாதார மேம்பாட்டிற்கான இத்திட்டத்திற்கு அறிவியல் மற்றும் தொழில்நுட்பத்துறை சமபங்கு அதிகாரமளித்தல் மேம்பாட்டுக்கான அறிவியல் பிரிவானது சுமார் 99.98 லட்சம் நிதியுதவி அளித்துள்ளது.