உங்களைத் தேடி, உங்கள் ஊரில் திட்டத்தின் கீழ் ஆரணி வட்டத்தில் ஆட்சியர் ஆய்வு

தமிழ்நாடு முதலமைச்சர் உன்னத திட்டமான உங்களை தேடி, உங்கள் ஊரில் என்ற திட்டத்தினை 24 மணி நேரமும் அரசு அலுவலர்கள் அனைவரும் அந்தந்த பகுதியிலே தங்கி, பொதுமக்களின் கோரிக்கைகளை கேட்டறிந்து ஆய்வு மேற்கொள்ள அறிவுறுத்தப்பட்டதை தொடர்ந்து, நேற்று முன்தினம் பொழுதில் அனைத்து துறை அலுவலர்களும் ஆய்வு மேற்கொண்டு பொதுமக்களின் கோரிக்கைகளை கேட்டறிந்தனர்.

நேற்று இரண்டாம் கட்டமாக ஆரணி வட்டத்தில் மாவட்ட ஆட்சித்தலைவர் தெ.பாஸ்கர பாண்டியன் ஆய்வு மேற்கொண்டார்.

முன்தினம் ஆரணி நேற்று மாலைப்பொழுதில் நகராட்சியில் ஷெராப் தெருவில் இயங்கி வரும் ஆதிதிராவிடர் மாணவியர் நல விடுதியில் ஆய்வு மேற்கொண்டு, மாணவியர்களுக்கு வழங்கப்படும் உணவு மற்றும் உணவின் தரம், அடிப்படை வசதிகளான கழிவறை வசதி, குடிநீர் வசதி குறித்து ஆய்வு மேற்கொண்டு மாணவியர்களிடம் கேட்டறிந்தார்.

மேலும், உங்களைத் தேடி, உங்கள் ஊரில் திட்டத்தின் கீழ் அரசினர் மருத்துவமனையில் நோயாளிகளிடம் சிகிச்சை பற்றி கேட்டறிந்து, அடிப்படை வசதிகளான கழிப்பறை வசதி, குடிநீர் வசதி, போன்றவற்றை ஆய்வு மேற்கொண்டு நோயாளிகளுக்கு வழங்கப்படும் மருந்து, உணவு போன்றவற்றை கேட்டறிந்தார். இதனை தொடர்ந்து ஆரணி பேருந்து நிலையத்தில் ஆய்வு மேற்கொண்டார். நேற்று காலை, ஆரணி நகராட்சி தாலுகா அலுவலகம் அருகே செயல்பட்டு வரும் உழவர் சந்தை ஆய்வு மேற்கொண்டு விவசாய விற்பனையாளர்களிடம் தங்கள் விலை பொருட்கள் விற்பதில் உள்ள இடர்கள் மற்றும் நன்மைகள் குறித்து கட்டறிந்தார், மேலும் பொதுமக்களிடம் உழவர் சந்தையின் பயன்பாடு குறித்தும் கேட்டறிந்தார்.