முகாம்களில் தங்க வைக்கப்பட்டுள்ள பொதுமக்களுக்கு நிவாரண பொருட்கள் அமைச்சர் ராமச்சந்திரன் வழங்கினார்

நீலகிரி மாவட்டம், பந்தலூர் வட்டத்தில், பெய்து வரும் தென்மேற்கு பருவமழையால் முன்னெச்சரிக்கை நடவடிக்கையாக, நிவாரண முகாம்களில் தங்க வைக்கப்பட்டுள்ள பொதுமக்களை சுற்றுலாத்துறை அமைச்சர் ராமச்சந்திரன் நேரில் சந்தித்து நிவாரண பொருட்களை வழங்கினார்

முதலாவதாக சுற்றுலாத்துறை அமைச்சர் பந்தலூர் வட்டத்தில் தென்மேற்கு பருவமழையையொட்டி, அத்திமாநகர் பகுதியில் மண்சரிவு ஏற்பட்டதை நேரில் பார்வையிட்டு, ஆய்வு மேற்கொண்டார்.

மேலும், பொன்னாணி அரசு பழங்குடியினர் உண்டு, உறைவிட நடுநிலைப்பள்ளி மற்றும் அம்பலமூலா ஊராட்சி ஒன்றிய தொடக்கப்பள்ளி ஆகிய பள்ளிகளில் தங்க வைக்கப்பட்டுள்ள பொதுமக்களை நேரில் சந்தித்து, அவர்களின் குறைகளை கேட்டறிந்து, அவர்களுக்கு தேவையான நிவாரண பொருட்களை வழங்கினார்.