ஏழை, எளிய மாணவர்களை சாதனையாளர்களாக உருவாக்கிட “தமிழ்ப்புதல்வன்” திட்டத்தை செயல்படுத்திய முதல்வர்

தூத்துக்குடி, தமிழ்ப்புதல்வன் திட்டத்தின் மாவட்டத்தில் மூலம் 6466 மாணவர்கள் பயன்பெற வழிவகை செய்யப்பட்டுள்ளது.

கல்வியறிவும் பொருளாதார சுதந்திரமும் பெண்களின் முன்னேற்றத்திற்கு மிக முக்கியம் என்பதை உணர்ந்த தமிழ்நாடு அரசு, அரசுப்பள்ளிகளில் பயிலும் மாணவிகளின் உயர்கல்வி சேர்க்கை மிகக்குறைவாக இருப்பதை கருத்தில் கொண்டு அரசுப் பள்ளிகளில் காலம் வகுப்பு முதல் 12ஆம் வகுப்பு வரை பயின்று மேற்படிப்பில் சேரும் அனைத்து மாணவிகளுக்கும், பட்டப்படிப்பு, பட்டயப்படிப்பு, தொழிற்கல்வி ஆகியவற்றில் இடைநிற்றல் இன்றி படிக்கும் வரை மாதம் ரூ.1000 அவர்களின் வங்கிக் கணக்கிற்கு நேரடியாக வழங்கும் "புதுமைப் பெண்" திட்டத்தை 05.09.2022 முதல் செயல்படுத்தி வருகிறது. இத்திட்டமானது 2024-2025ஆம் ஆண்டு முதல் அரசு உதவி பெறும் பள்ளிகளில் பயின்று தமிழ் வழியில் உயர்கல்வி பயிலும் மாணவிகளுக்கும் விரிவுபடுத்தப்பட்டுள்ளது.

இத்திட்டத்தின் கீழ் தமிழ்நாடு முழுவதும் கலை, அறிவியல், பொறியியல், தொழிற்படிப்பு, மருத்துவக் கல்லூரிகளில் பயிலும் மாணவிகள் உட்பட சுமார் 3.28 லட்சம் மாணவிகள் பயனடைந்துள்ளனர். புதுமைப் பெண் திட்டத்தினால் மாணவிகள் உயர்கல்வியில் சேரும் எண்ணிக்கை 34 சதவீதம் உயர்ந்துள்ளது.