மக்கள் நலத்திட்டங்களை தொடர்ந்து செயல்படுத்தி வரும் தமிழ்நாடு முதல்வர்

தூத்துக்குடி மாவட்ட பயனாளிகள் நெஞ்சார்ந்த நன்றி

வாழ்ந்து காட்டுவோம் திட்டம் (2.0) என்பது ஊரக வறுமை ஒழிப்பு மற்றும் பொருளாதார மேம்பாட்டுத் திட்டமாக தமிழ்நாடு அரசால் செயல்படுத்தப்பட்டு வருகிறது. இத்திட்டம் கிராமப்புற தொழில்களை ஊக்குவித்தல், மகளிர் சுய உதவிக்குழு உறுப்பினர்களின் பொருளாதார நிலையை மேம்படுத்துதல், நிதி சேவைகளுக்கு வழிவகுத்தல், வேலைவாய்ப்பினை உருவாக்குதல், மகளிர் தொழில்முனைவோர் மூலம் கிராமப்புறங்களில் நிலையான தொழில் நிறுவனங்களை உருவாக்குதல் ஆகியவற்றை முக்கிய நோக்கமாகக் கொண்டுள்ளது. இத்திட்டம் தமிழ்நாட்டில் 31 மாவட்டங்களிலுள்ள 120 வட்டாரங்களில் உள்ள 3994 கிராம ஊராட்சிகளில் செயல்படுத்தப்படுகிறது. இதில் தூத்துக்குடி மாவட்டத்தில் 4 வட்டாரங்களில் (சாத்தான்குளம், தூத்துக்குடி, ஆழ்வார்திருநகரி, கருங்குளம்) 105 கிராம ஊராட்சிகளில் செயல்படுத்தப்பட்டு வருகிறது.