பின்தங்கிய நிலையில் உள்ள மக்களுக்காக ‘கலைஞரின் கனவு இல்லம்” திட்டத்தை கொண்டு வந்த முதல்வர்

அரியலூர் மாவட்ட பயனாளிகள் நெஞ்சார்ந்த நன்றி

அரியலூர், டிச, 16"கடைக்கோடி மனிதருக்கும் நல வாழ்வு" கிடைக்கப்பெற வேண்டும் என்ற தொலைநோக்கு சிந்தனையோடு கலைஞரின் கணவு இல்லம்" திட்டமானது தமிழ்நாடு முதலமைச்சரால் செயல்படுத்தப்பட்டுள்ளது. குடிசைவாசிகளுக்கு நிரத்தர கான்கிரீட் வீடுகள் கட்டும் பணி 1975ஆம் ஆண்டு தமிழ்நாட்டில் ஒரு முன்னோடி முயற்சியாக தொடங்கப்பட்டது. அதைத் தொடர்ந்து, குடிசை இல்லாத தமிழ்நாடு என்ற இலக்கை அடைவதற்காக, 2010ல், 'கலைஞர் வீடு வழங்கும் திட்டம்' அறிமுகப்படுத்தப்பட்டது, தமிழ்நாட்டின் கிராமப்புறங்களில் குடிசைகளுக்குப் பதிலாக பாதுகாப்பான நிரந்தர கான்கிரீட் வீடுகள் அமைத்து தரும் நோக்கத்துடன் எடுக்கப்பட்ட சமீபத்திய கணகெடுப்பின் அடிப்படையில் 2030க்குள் 'குடிசை இல்லாத தமிழ்நாட்டை" உருவாக்க, கலைஞரின் கனவு இல்லம் என்ற புதிய திட்டம் கிராமப்புறங்களில் 6 ஆண்டுகளில் 8 லட்சம் கான்கிரீட் வீடுகள் கட்டப்படும் என தமிழ்நாடு அரசால் அறிவிக்கப்பட்டு, முதற்கட்டமாக 2024-25 ஆம் ஆண்டில் ஒரு வீட்டிற்கு ரூ.3.50 லட்சம் மதிப்பில் ஒரு லட்சம் புதிய வீடுகள் கட்டப்படுவதை இலக்காக கொண்டு இத்திட்டம் சிறப்பாக செயல்படுத்தப்பட்டு வருகிறது.

மேலும், பல்வேறு கணக்கெடுப்புகளின் மூலம் சேகரிக்கப்பட்ட வீட்டுவசதி தேவைக்களுக்கான தரவுகள் வீடு ஒருங்கிணைக்கப்பட்டு, அனைவருக்கும் கணக்கெடுப்பின் கீழ் கொண்டு வரப்பட்டுள்ளது. அனைவருக்கும் வீடு கணக்கெடுப்பு. ஒன்றிற்கும் மேற்பட்ட தரவுதளங்களில் உள்ள குடும்பங்களை கண்டறிந்து அவர்களை ஒரு தரவுதளத்தில் மட்டும் இருக்குமாறு செய்வது மற்றும் புதிய குடும்பங்கள் கணக்கெடுப்பு" என்ற இரண்டு அம்சங்களை கொண்டதாகும். இவ்வாறு செய்து முடிக்கப்பட்ட அனைவருக்கும் கணக்கெடுப்பில் அரசின் வீடு வழங்கும் திட்டங்களின் கீழ் உதவி பெற மொத்தம் 7,8907 தகுதியுடைய குடும்பங்கள் குடிசைகளில் வசிப்பதாக வீடு கண்டறியப்பட்டுள்ளது. "குடிசையில்லா தமிழ்நாடு" என்ற நிலையை அடைய, தகுதியுடைய குடும்பங்களுக்கு நிலையான வீடுகள் வழங்கப்பட வேண்டும் என்பதை நோக்கமாக கொண்டு இத்திட்டமானது தமிழ்நாடு அரசால் செயல்படுத்தப்பட்டு வருகிறது.