எல்லோருக்கும் பயன் தரும் விதத்தில் யோகாவை முறைப்படுத்தி பயிற்சி தரவேண்டும் ஆளுநர் கைலாஷ்நாதன் பேச்சு

புதுச்சேரி அரசு சுற்றுலாத்துறை சார்பில் நடந்த 30வது சர்வதேச யோகா திருவிழாவில் துணைநிலை ஆளுநர் கைலாஷ்நாதன் கலந்து கொண்டு பேசியது, இந்த 30வது சர்வதேச யோகா திருவிழாவில் கலந்து கொள்வதில் மிகுந்த மகிழ்ச்சி அடைகிறேன்.

ஏனென்றால் இந்த விழா பாரதத்தின் தலைமையை, உலகத்திற்கு வழிகாட்டக் கூடிய பாரதத்தின் தகுதியை இந்த உலகத்திற்கு எடுத்துக் காட்டுகின்ற இன்னொரு அற்புதமான விழா. இந்த விழா, யோகி அரவிந்தரும் அன்னையும் வாழ்ந்த நமது புதுச்சேரியில் நடைபெறுகிறது என்பதில் நான் பெருமைப்படுகிறேன்.

சமீபத்தில்தான், நாடு சுதந்திரம் அடைந்த 75வது ஆண்டை இன்னொரு பெருவிழாவாக AZADI ரிகி AMRIஜி MAHOTSAக்ஷி' என்று நாடு முழுவதும் கொண்டாடினோம். இதைப் போன்ற விழாக்களை பெருவிழா", "திருவிழா என்று சால்வது பொருத்தமாக இருக்கிறது.

பாரதம் உலகத்திற்கு எத்தனையோ சிறப்பான விஷயங்களை கொடையாக தந்திருக்கிறது. அறிவியல், வானசாஸ்திரம், மருத்துவம் இன்னும் சொல்லிக் கொண்டு போகலாம். எல்லாமும் மனித வாழ்க்கைக்கு அடிப்படையாக, ஒட்டு மொத்தமான மனித சமுதாயத்தை வழிநடத்தக் கூடியதாக இருக்கிறது. பாரதப் பண்பாடு அந்த அளவுக்கு பழமையும் பெருமையும் உடையது.