ഇന്ത്യയിൽ ദാരിദ്ര്യം കുറയുന്നു

അടിസ്ഥാന സൗകര്യങ്ങളുടെ വികസനം കൂടുതൽ നഗരങ്ങൾ സൃഷ്ടിക്കുന്നതിലേക്ക് നയിക്കുന്നുണ്ട്

ന്യൂഡൽഹി: ഗ്രാമീണ ഇന്ത്യയിൽ ദാരിദ്യം കുറയുന്നതായി റിപ്പോർട്ട്. ഗ്രാമീണ ഇന്ത്യയിലെ ദാരിദ്ര്യ അനുപാതം ആദ്യമായി അഞ്ചു ശതമാനത്തിൽ താഴെ എത്തിയതായി എസ്ബിഐ റിസർച്ച് റിപ്പോർട്ട് വ്യക്തമാക്കുന്നു.

2023-24 സാമ്പത്തികവർഷത്തിൽ നഗര ദാരിദ്ര്യത്തേക്കാൾ വേഗത്തിൽ ഗ്രാമീണ ഇന്ത്യയിലെ ദാരിദ്ര്യം കുറഞ്ഞതായി റിപ്പോർട്ട് പറയുന്നു. 2024ൽ രാജ്യത്തെ ദാരിദ്ര്യനിരക്ക് 5 ശതമാനത്തിൽ താഴെയായി കുറഞ്ഞതോടെ കടുത്ത ദാരിദ്ര്യനിരക്ക് ഏതാണ് കുറഞ്ഞതായും റിപ്പോർട്ടിൽ പറയുന്നു.

2024 സാമ്പത്തിക വർഷത്തിൽ ഗ്രാമീണ ദാരിദ്ര്യം 4.86 ശതമാനമായാണ് താഴ്ന്നത്. മുൻ സാന്പത്തികവർഷം ഇത് 7.2 ശതമാനമായിരുന്നു. 2011-12ലെ 25.7 ശതമാനത്തിൽ നിന്നാണ് ഗ്രാമീണ മേഖലയിൽ ഇത്രയും വലിയ പുരോഗതി ഉണ്ടായതെന്നും റിപ്പോർട്ട് ചൂണ്ടിക്കാണിക്കുന്നു.