લઠ્ઠાકાંડનું ભૂત ફરી ધૂણ્યું: અમદાવાદના એક હજારથી વધુ બુટલેગર અંડરગ્રાઉન્ડ

પોલીસના વહીવટદારોએ દેશી દારૂનો ધંધો કરતા બુટલેગરને થોડા દિવસ ધંધો બંધ રાખવાની સૂચના આપી: આજે દેશી દારૂના અડ્ડા પર પોલીસ રેડ કરે તેવી શક્યતા

અમદાવાદ, મંગળવાર

અમદાવાદમાં વર્ષ ૨૦૦૯માં થયેલા લઠ્ઠાકાંડ બાદ ગઇ કાલે બોટાદ-બરવાળા ખાતે લઠ્ઠાકાંડ સર્જાતાં દારૂબંધી માત્ર કાગળ પર હોવાની પોલ ખુલ્લી પડી ગઇ છે. ગઇ કાલે સર્જાયેલા લઠ્ઠાકાંડનો રેલો છેક અમદાવાદ સુધી આવે નહીં તે માટે પોલીસ અચાનક એલર્ટ મોડ પર આવી ગઇ છે અને એક હજાર કરતાં વધુ દેશી દારૂનાં સ્ટેન્ડ ચલાવતા બુટલેગરને ધંધો થોડા દિવસ માટે બંધ કરી દેવાનો આદેશ આપી દીધો છે. પોલીસ દેશી દારૂના અડ્ડા પર દરોડા પાડે નહીં તે માટે તમામ બુટલેગર અંડરગ્રાઉન્ડ થઇ ગયા છે.