મોદી@72: વડા પ્રધાને પોતાના જન્મદિને નામિબિયાથી ચિત્તા લાવી ઈતિહાસ સર્જ્યો

પીએમ મોદી પર ચોમેરથી જન્મદિવસની શુભેચ્છાઓનો ધોધમાર વરસાદ

નવી દિલ્હી, શનિવાર

વડા પ્રધાન નરેન્દ્ર મોદીનો આજે ૭૨મો જન્મદિવસ છે. તેમણે પોતાના જન્મદિવસે નામિબિયાથી આઠ ચિત્તા કુનો-પાલપુર લાવીને મધ્યપ્રદેશના નેશનલ પાર્કમાં છોડીને ઈતિહાસ સર્જ્યો છે. ભારતની ધરતી પર ૭૪ વર્ષ બાદ આઠ ચિત્તાનું લેન્ડિંગ થતાં લુપ્તપાય બની ગયેલ ચિત્તાની પ્રજાતિનો યુગ ફરી શરૂ થયો છે. આ ચિત્તાને નામિબિયાથી સ્પેશિયલ વિમાન દ્વારા ગ્વાલિયર એરપોર્ટ લાવવામાં આવ્યા હતા અને ત્યાંથી ચિનૂક હેલિકોપ્ટર દ્વારા કુનો નેશનલ પાર્ક લાવવામાં આવ્યા હતા, જ્યાં પીએમ મોદીએ તેમને છોડ્યા હતા.