હિમાચલ પ્રદેશ, યુપી-ઉત્તરાખંડ સહિત ૧૮ રાજ્યમાં ભારે વરસાદનું એલર્ટ જારી

૩ ઓક્ટોબરે બિહાર અને ઝારખંડ સહિત દેશનાં ૧૮ રાજ્યમાં યલો એલર્ટ જારી

શિમલા, સોમવાર

ચોમાસું ભલે અંતિમ ચરણમાં હોય, પરંતુ વરસાદની શક્યતા હજુ પણ છે. હવામાન વિભાગના જણાવ્યા અનુસાર આગામી ૬ ઓક્ટોબરથી એક વખત ફરી હિમાચલ પ્રદેશ સહિત ત્રણ રાજ્યમાં ભારે વરસાદ પડવાની શક્યતા છે. મોસમ વિભાગે હિમાચલ પ્રદેશ સહિત ઉત્તરાખંડ અને ઉત્તરપ્રદેશમાં ભારે વરસાદની શક્યતા વ્યક્ત કરી છે. વરસાદનો આ ગાળો એક જ દિવસ નહિ, પરંતુ બે-ત્રણ દિવસ સુધી ચાલવાનું અનુમાન લગાવવામાં આવી રહ્યું છે. ગત વર્ષની સરખામણીએ આ વર્ષે ચોમાસાએ હિમાચલ પ્રદેશમાં બેગણું નુકસાન કર્યું છે.