મુશળધાર વરસાદથી પુણે જળબંબાકાર: મુંબઈમાં આજે ભારે વરસાદની ચેતવણી

પુણેના પ્રસિદ્ધ દગડુ શેઠ ગણેશ મંદિરમાં વરસાદી પાણી ભરાયુ

પુણે, મંગળવાર

પુણે સહિત મહારાષ્ટ્રનાં અનેક શહેરમાં વરસાદના કારણે પરિસ્થિતિ બેહાલ બની છે. પુણેમાં પડી રહેલા મુશળધાર વરસાદના કારણે રસ્તા પરનાં અનેક વૃક્ષ ધરાશયી થયાં છે. પુણે જળબંબાકાર બન્યું છે આટલી મુશ્કેલી વચ્ચે આજે પણ હવામાન વિભાગે વરસાદી એલર્ટ જાહેર કર્યું છે. હવામાન એજન્સીના જણાવ્યા અનુસાર બંગાળની ખાડી અને મહારાષ્ટ્રના તટીય ક્ષેત્રોમાં દબાણ ઊભું થયું છે. જેના કારણે મુંબઈ અને ઉત્તર પશ્ચિમ ભારતના અનેક વિસ્તારોમાં મુશળધાર વર્ષા થઇ રહી છે.