ટ્વિટરે બરતરફ અધિકારીઓને ૮૨૩ કરોડનું જંગી વળતર ચૂકવવું પડશે

પરાગ અગ્રવાલને રૂ.૪૧૨ કરોડ, સેગલને રૂ.૩૦૪ કરોડ અને વિજયા ગડેને રૂ.૧૪૦ કરોડ મળશે

સાન ફ્રાન્સિસ્કો, શનિવાર

દુનિયાના સૌથી ધનાઢ્ય અને ટેસ્લાના માલિક એલન મસ્કે ડીલ ફાઈનલ કરીને ટ્વિટરને ખરીદી તો લીધું, પરંતુ તેમણે હવે કંપનીમાંથી બરતરફ કરાયેલા અધિકારીઓને રૂ.૮૨૩ કરોડનું જંગી વળતર ચૂકવવું પડશે. ટ્વિટર ખરીદ્યા બાદ એલન મસ્કે શુક્રવારે ચીફ એક્ઝિક્યુટિવ ઓફિસર (સીઈઓ) પરાગ અગ્રવાલ, ચીફ ફાઈનાન્સ ઓફિસર (સીએફઓ) નેડ સેગલ અને લીગલ અફેર્સ એન્ડ પોલિસી ચીફ વિજયા ગડેની કંપનીમાંથી હકાલપટ્ટી કરી હતી.