જી-૨૦ હેઠળ મ્યુનિ. સ્કૂલ બોર્ડના ક્લાયમેટ ચેન્જ પ્રશ્નમંચમાં મોન્ટુ સોલંકી પ્રથમ સ્થાને

રાયખડ અનુપમ શાળા નંબર-૮ દેશભક્તિ ગીત પર નૃત્ય પ્રસ્તુતિમાં અવલ નંબરે આવી

અમદાવાદ, મંગળવાર

મ્યુનિસિપલ સ્કૂલ બોર્ડ અને દ્વારા જી૨૦-યુ૨૦ સમિટ વિશે વિદ્યાર્થીઓ, વાલીઓ શિક્ષકોમાં જાગૃતિ લાવવાના હેતુથી ક્લાયમેટ ચેન્જ વિષય પર પ્રશ્નમંચનું આયોજન કરાયું હતું, જેમાં ગુજરાત હાઉસિંગ બોર્ડ પ્રાથમિક શાળાના વિદ્યાર્થી મોન્ટુ સોલંકીએ પ્રથમ સ્થાન પ્રાપ્ત કર્યું હતું. આ બાહોશ વિદ્યાર્થીને સ્કૂલ બોર્ડના સત્તાવાળાઓ દ્વારા રૂ. ૨૧૦૦નું રોકડ ઇનામ એનાયત કરાયું હતું. ઇનામ મેળવનાર વિદ્યાર્થીનાં માતા પિતાની આંખમાં તે અવસરે હર્ષનાં આંસુ ઝળહળી ઊઠ્યાં હતાં.