ફાયર બ્રિગેડ ઈન એક્શનઃ હદ વિસ્તાર બાબતે 'જાગતિ અભિયાન' શરૂ કરાશે

તંત્ર દ્વારા આગ કે બચાવના કોલમાં હદ વિસ્તારની દરકાર રાખ્યા વિના તરત ગાડી મોકલી અપાય છેઃ ડેપ્યુટી ચીફ ફાયર ઓફિસર

અમદાવાદ, શનિવાર

મ્યુનિસિપલ ફાયર બ્રિગેડ એટલે કે આગ, અકસ્માત, ભૂકંપ જેવી માનવસર્જિત કે કુદરતી આફતો વચ્ચે લાખો અમદાવાદીઓના જાનમાલની સુરક્ષા કરનારું અભેદ્ય કવચ. ફાયર બ્રિગેડના જાંબાઝ જવાનો જીવના જોખમે નાગરિકોને બચાવતા આવ્યા છે.

આ વિભાગની ૨૪ કલાકની અવિરત સેવાને લોકો પણ વખાણે છે, જોકે કેટલીક વખત હદ વિસ્તારને લઈ લોકો મૂંઝવણમાં મુકાતા હોવાથી ફાયર બ્રિગેડે આ મૂંઝવણ દૂર કરવા માટે ખાસ ‘જાગૃતિ અભિયાન’ શરૂ કરવાનો નિર્ણય લીધો છે, જેના કારણે આગ કે બચાવના કોલ વખતે જે તે નાગરિકને મ્યુનિસિપલ હદ વિસ્તાર બાબતે યોગ્ય અને ચોક્કસ માહિતી મળી રહેશે.