હવે મધ્યપ્રદેશમાં H3N2ની એન્ટ્રી: દેશભરમાં અંદાજે ૫૦૦થી વધુ કેસ

મહારાષ્ટ્રના પુણેમાં વાઇરસ સંક્રમિત દર્દીનું મોત

નવી દિલ્હી, શુક્રવાર

સમગ્ર દેશમાં ૧ જાન્યુઆરીથી H3N2 ઈન્ફલુએન્ઝા વાઇરસના ૫૦૦થી વધુ કેસ નોંધાયા છે. H3N2 ઈન્ફલુએન્ઝા વાઇરસનો પહેલો કેસ મધ્યપ્રદેશમાં પણ સામે આવ્યો છે. રાજ્યની રાજધાની ભોપાલમાં એક યુવકમાં વાઈરસનું પરીક્ષણ કરવામાં આવ્યું હતું. ગુરુવારે તેનો રિપોર્ટ પોઝિટિવ આવ્યો હતો. બીજી તરફ ગઇ કાલે મહારાષ્ટ્રના પુણેમાં H3N2 વાઇરસથી સંક્રમિત એક ૭૩ વર્ષીય વ્યક્તિનું મૃત્યુ થયું છે. ૧ જાન્યુઆરીથી માત્ર મહારાષ્ટ્રમાં H3N2ના ૧૧૯ કેસ નોંધાયા છે.