કાંકરિયા પ્રાણી સંગ્રહાલયનાં આકર્ષણમાં વધારો: ઔરંગાબાદથી બે વાઘણ લવાઈ

હવે પ્રાણી સંગ્રહાલયમાં એક વાઘ અને ત્રણ વાઘણ મળીને કુલ ચાર વાઘ-વાઘણ થયાં

અમદાવાદ, મંગળવાર

શહેરના આબાલવૃદ્ધો માટે કાંકરિયા પ્રાણી સંગ્રહાલય આકર્ષણનું કેન્દ્ર છે. દેશનાં પ્રતિષ્ઠિત પ્રાણી સંગ્રહાલયોમાં શહેરના આપણા પ્રાણી સંગ્રહાલયનો સમાવેશ થાય છે. આ પ્રાણી સંગ્રહાલયમાં ૨૦૦૦થી વધુ પશુ-પંખી અને સરિસૃપ લોકોને મંત્રમુગ્ધ કરી રહ્યાં છે. હવે કાંકરિયા પ્રાણી સંગ્રહાલયના આકર્ષણમાં વૃદ્ધિ કરવા માટે મ્યુનિ. તંત્ર દ્વારા છેક મહારાષ્ટ્રના ઔરંગાબાદથી બે વાઘણને લાવવામાં આવી છે. પહેલી નજરમાં જ આકર્ષક અને તંદુરસ્ત લાગતી એવી આ વાઘણને બંને આજથી અમદાવાદીઓ પ્રાણી સંગ્રહાલયમાં નિહાળી શકશે.