રશિયાના પ્રમુખ પુતિનને હત્યાનો ડર: બચવા માટે સિક્રેટ ટ્રેન-રૂટનો ઉપયોગ

રશિયન રાષ્ટ્રપતિના વિદેશ પ્રવાસમાં ફાયર ફાઈટર, ફૂડ ટેસ્ટર અને એન્જિનિયર સામેલ હોય છે

મોસ્કો, શુક્રવાર

યુક્રેન અને રશિયા વચ્ચે છેલ્લા એક વર્ષથી યુદ્ધ ચાલી રહ્યું છે. દરમિયાન, રશિયન રાષ્ટ્રપતિ વ્લાદિમીર પુતિનને તેમની હત્યાનો ડર સતાવી રહ્યો છે. એક રિપોર્ટ અનુસાર તેઓ પોતાનો જીવ બચાવવા માટે ગુપ્ત ટ્રેન અને ગુપ્ત માર્ગનો ઉપયોગ કરી રહ્યા છે. રશિયાની ફેડરલ સિક્યોરિટી સર્વિસ (એફએસઓ) ના ભૂતપૂર્વ કેપ્ટન ગ્લેબ કારાકુલોવે રશિયન રાષ્ટ્રપતિ વ્લાદિમીર પુતિનની સુરક્ષા માટે લેવામાં આવેલા તમામ પગલાં વિશે માહિતી આપી છે.