ઈમરાન ખાનને મોટો ઝટકોઃ કદાવર નેતા ફવાદ ચૌધરીએ PTI છોડી

સુપ્રીમ કોર્ટ અમારી છેલ્લી આશાઃ પૂર્વ વડાપ્રધાન

ઇસ્લામાબાદ, ગુરુવાર

પાકિસ્તાનના પૂર્વ વડા પ્રધાન અને પીટીઆઈના વડા ઈમરાન ખાનને સતત આંચકા લાગી રહ્યા છે. ઈમરાન ખાનની નજીકના અને તેમની સરકારમાં પ્રધાન રહી ચૂકેલા કદાવર નેતા ફવાદ ચૌધરીએ પાર્ટીમાંથી રાજીનામું આપી દીધું છે. નવ મેના રોજ થયેલી હિંસા બાદ સરકાર પીટીઆઈના નેતાઓ પર સતત કડક કાર્યવાહી કરી રહી છે. જેના કારણે ઈમરાનના નજીકના મિત્રો પાર્ટી છોડી રહ્યા છે.