કોંગ્રેસ ‘મહાત્મા’માં માને છે જયારે આરએસએસ ભાજપની વિચારધારા ગોડસેની: રાહુલ ગાંધી

પીએમ મોદી ભાજપ અને આરએસએસની આ જ મુશ્કેલી છે. તેઓ હંમેશાં ભૂતકાળ વિશે વાત કરે છે અને હંમેશાં કોઈ બીજાને દોષ આપવાનું વિચારે છે. ભાજપ અને આરએસએસ પાસે ભવિષ્ય જોવાની ક્ષમતા નથી: રાહુલ ગાંધી

વોશિંગ્ટન, સોમવાર

કોંગ્રેસના નેતા રાહુલ ગાંધી અમેરિકાના પ્રવાસે છે અને તેઓ ભાજપ માટે આક્રમક નિવેદનો આપી રહ્યા છે. ન્યૂયોર્કના જાવિટ્સ સેન્ટરમાં ભારતીય સમુદાયને સંબોધિત કરતાં એક કાર્યક્રમમાં તેમણે કહ્યું કે ભારતમાં બે પ્રકારની વિચારધારા ચાલી રહી છે, એક મહાત્મા ગાંધી અને બીજી નાથુરામ ગોડસેની. અમે મહાત્મા ગાંધીની વિચારધારા સાથે આગળ વધી રહ્યા છીએ. ભાજપમાં એક ખામી છે કે તે દૂરંદેશી નથી. ભાજપ હંમેશાં ભૂતકાળની વાત કરે છે.